QUEN HAI DETRÁS
Un soño feito realidade
Son Jose Cuadrado, máis coñecido como Pepe ou Pepiño que despois de marchar á cidade cursar os estudos universitarios, decidín voltar ao lugar que me viu nacer e adicarme ao que me gustaba, e co obxetivo de por en valor todo o que nos rodea, porque considero que son un privilexiado de poder vivir neste paraíso como é A Mariña Lucense.
Sendo consciente de que a profesión de agricultor é moi dura, pouco agradecida e moi arriscada, ainda así decidin ser agricultor, xa que sei que todos vos necesitades dun agricultor como mínimo 3 veces ao dia.
Por eso decidin conformar o meu equipo de traballo e co seu apoio puiden e poido facer posible o meu soño!
A traballar!!!!
COMO TRABALLAMOS
Produtos da terra a mesa
O obxectivo principal e poder ofrecer aos meus clientes o mellor produto, co mellor sabor e sobre todo dar o mellor servizo que teña nas miñas mans. Intentar identificar o que cada persoa precisa e lle gusta e eu, conquistar cos meus produtos horticolas e frutas eses paladares.
Trátase de que o produto chegue directamente, da terra á mesa, coa maior frescura posible, respetando os ciclos productivos, ter un trato directo evitando intermediarios cos meus clientes. Que sintan que teñen a súa propia horta na miña tenda. Porque a miña horta é a horta dos meus clientes. Vai a Horta!
Non hai maior satisfacción que ver que as cousiñas que tu plantaches, cuidaches dende que era semente, viches nacer, viches medrar, coidaches e mimaches dia a dia, apalpaches coas tuas mans chegue as casas dos clientes e estes o poidan disfrutar.
o noso modo de traballar
HORTA
Produción propia e produtores de cercania con orixe certificado
AGRICULTORES
Agricultores locais que contribúen a asentar o modo de vida rural
MERCADO
Produtos km0, sen intermediarios, na comarca de Lourenzá
AGRICULTORES LOCAIS
Produto de proximidade como garante do rural
É moi importante por en valor o que nos rodea, hai moitos agricultores locais traballando duro para lograr a mellor calidade nas súas producións.
E porque se vai traer fora?
A compra de cercanía garante unha vida no rural, crea postos de traballo e de calidade, cerra o circulo produción-comercialización.
Tanto o meu produto como o adquirido doutros agricultores da zona é seleccionado e escollido persoalmente, sempre pensando nos gustos e necesidades dos meus clientes, para poder ofrecerlles sempre o mellor.
Todos os meus produtos teñen unha garantía de orixe, trazabilidade, e autenticidade.
COMARCA DE LOURENZÁ
Porqué un posto na Praza de Abastos
No meu afán de demostrar a calidade dos nosos produtos e do que a nosa terriña é capaz de producir, este ano 2023 decidinme a coller un traspaso dunha tenda sita na Praza de Abastos de Ribadeo, unha tenda que rexentou durante toda unha vida unha excelente persoa e profesional como foi Mucha, Moitas grazas por todo Mucha. É aquí cando nace Agroalimentaria Laurentina, da cal son o único socio.
Aquí cómprense varios obxectivos, por un lado, crear a miña propia empresa como sempre quixen dende pequeno e o mesmo tempo seguir facendo honra ou un guiño ao meu pobo natal Lourenzá, sempre me sentín orgulloso de ser laurentino e como non podía ser doutro xeito a miña empresa tamén o tiña que ser, e poder levar o nome de Lourenzá polo mundo adiante.
Trato cada produto que pasa polas miñas mans con todo o meu cariño, como se fose para min, para manter as súas propiedades e sabor intactos.
